Rojnamevan Erdogan Alayumat ê 23’ê Nîsanê di serdegirtinên malan de hat binçavkirin û dîl hat girtin, bi rêya parêzerê xwe ji Girtîgeha Metrîsê peyamek şand.
Rojnamevan Erdogan Alayumat di peyama xwe de wiha dibêje: “Dosya ji xeynî krîmînalîzekirina pîşeya rojnamevaniyê tiştek din îfade nake. Em bi nûçeyên xwe tên darizandin, lê rojnamevantî pîşeyekî pir girîng e ku li salonên dadgehê divê neye darizandin. Ev dosya heta îro vala derketin û wê ji niha şûnde jî vala derkevin. Em ê ala ku ji Apê Musa, Hrank Dînk, Metîn Goktepelerê dewr girtiye, hertim hilgirin. Ji bo niha pênûsa me emanetê hevalên me yên li derve ne.”
