Li bajarên Siwêda û Şehbayê yên başûrê Sûriyeyê xwepêşandan hatin lidarxistin. Bi sedan kes ku tev li xwepêşandanan bûn, piştgiriya Bakur û Rojhilatê Sûriyeyê, berxwedana QSD û taxên Şêxmeqsûd û Eşrefiyê yên Helebê ya li hemberî êrîşên hêzên hikumeta veguhêz ên Şamê nîşan da. Xwepêşandêran li dijî pirsgirêkên hevbeş banga yekitî û hevgirtinê kir.
Xwepêşandêran alên QSD, sembolên Kurd û Durziyan. Pankartên bi nivîsên “Ji hikumeta veguhêz re: em ne ji te ne û tu ne jî meyî”, “Bijî berxwedana QSD”, “Bijî berxwedana Şêxmeqsûdê”, “Diyarkirina çarenûsê mafê me ye” û “Ne tifaq û ne jî lihevkirin bi hikumeta terorîst re” vekirin. Her wiha wêneyên şehîd û windahiyan jî hatin hildan.
Xwepêşandêran diyar kir ku ya ku gelê Siwêda û Bakur û Rojhilatê Sûriyeyê têne gel hev têkoşîna hevbeş a edalet, rûmet û jiyana hevbeş e. Xwepêşandêran destnîşan kir ku hevgirtina gelan mertala ewlehiya yekitiya gelê Sûriyeyê û siberoja wê ya hevpar e.
