Serokkomarê Iraqê Letîf Reşîd têkildarî biryara Kongreya 12’an a PKK’ê peyamek da.
Serokkomar Letîf Reşîd ragihand ku ew piştgiriyê didin biryara Kongreya 12’an a PKK’ê ku dawîkirina şer û rêya aştî û demokrasiyê hilbijartiye.
Letîf di peyama xwe de destnîşan kir ku ji bo mîsogerkirina ewlehî, aramiya herêmê, vekirina rûpeleke nû ya ji bo diyaloga rasteqîn, xuliqkar; danîna bingeke guncav ya ji bo bidestxistina aştiyeke mayînde û domdar, dawîkirina şer, êş û trajediyên bi dehan salan û destpêkirina qonaxeke nû ya siyasî, dîplomasî û parlementoyê gaveke erênî ye.
Serokkomarê Iraqê da xuyakirin ku yekane rêya çareseriya pirsgirêk û nakokiyan maseya diyalogê ye û got: “Em piştgiriya hemû hewldanên aştiyê, rawestandina şer, jiyana bi hev re û xurtkirina demokrasiyê û garantîkirina mafê mirovan dikin.”
