Li bajarên Aydin, Kutahya û Îzmîrê yên Herêma Egeyê şewat derketin. Şewata ku li navçeya Bodrûm a Muglayê derketibû hate kontrolkirin.
AYDIN
Li Taxa Kirksakallar a navçeya Çîne ya Aydinê şewat derket. Şewat, ji ber sedemeke nediyar baxçeyên darzeytûnan derket û midaxile lê hate kirin.
KUTAHYA
Li bajarokê Yenîkent ê navçeya Gedîz a Kutahyayê jî şewat derket û ji ber bandora bayê şewat li daristanê belav bû. Midaxileya ji vemirandina şewatê didome û ji bo jîngeh ji şewatê bandor nebin tevdîr hatin girtin.
ÎZMÎR
Li Taxa Îldir a navçeya Çeşme ya Îzmîrê şewat bi mêrgê ket. Şewata ku ji ber bandora bayê belav bû, welatiyan bi derfetên xwe ve midaxile lê kir. Midexileya tefandinê didome.
DI ŞEWATA BODRÛMÊ DE 2 DONIMÊN ERD ŞEWITÎN
Li navçeya Bodrûm a Mûglayê jî şewata ku derket li zeviyên çandiniyê belav bû û di nava saetekî de hate kontrolkirin. Di şewatê de 2 donimên erd zirar dît, xebatên hênikkirina herêmê didomin.
Têkildarî derketina şewatê lêpirsîn hate destpêkirin.
