Xweliya volkanîk bandor li zêdeyî 200 seferên balafiran û nêzî 20 hezar rêwiyan kir. Wezîrê Ragihandinê Dudy Purwagandhi diyar kir ku li gel Cakartayê liv û tevgera li balafirgeha Rabin a li Sumatra û Bandungê hatiye rawestandin. Hate ragihandin ku rawestandina seferên li Balafirgeha Navneteweyî ya Soekarno-Hatta ya li Cakartayê jî heta saet 17:30’î hatiye dirêjkirin.
Liv û tevgera li volkan roja Şemiyê destpê kir û lav ji dev herikî, teqînên mezin jinûve rû da. Saziya volkanolojiyê ragihand ku roja Yekşemê jî du teqînên nû rû dane. Li gorî pîvandinên li Balafirgeha Cakartayê hate kirin, xweliya bi ezmanan ket bandor li ewlekariya seferên balafiran dike.
Rayedaran hişyarî dan ku tevgear volkanîk dibe ku zêde bibe û trafîka keştiyan bi qasî 3 kîlometreyî li dora volkan hate qedexekirin.
Volkanê Anak Krakatoayê sala 1883’an teqiya bû û di encamê de 35 hezar miribûn.
Endonezya li ser Xeleka ji Agir a Pasîfîk e, lewma teqîna volkanan û erdhej gelek caran lê rû dide.
