Naveroka daxuyaniya Tevgera Jinên Kurd a Ewropayê (TJK-E) bi vî rengî ye: ‘’
Li gel êrîşên li ser Rojava poltîkayên qirkirina gelê Kurd hatine rojevê. Komkujî, revandina jinan, destdirêjî, êşkence û înfazkirin bi awayekî sîstematîk tên domandin. Nîşandana cenazeyên jinên şervan ên hatine qetilkirin, şewitandin, jêkirina pora wan û parvekirina wan a li ser medyaya dijîtal li gel şerekî psîkolojîk ê eşkere polîtîkaya belavkirina tirsê û terorê ye. Tevî vê yekê jî çapemeniya sereke vê hovîtiyê nabîne. Rê li ber hovîtiya li hemberî jin û gelê Kurd vedikin û zîhniyeta DAÎŞ’ê fihêl dikin.
Bi taybetî jî kovara Der Spiegel a li Elmanyayê weşanê dike, serkêşiya vê yekê dike. Ev kovar, ji 6’ê Çileyê ve ye li dijî gelê Kurd û Rêveberiya Xweser a Rojava polîtîkayeke aligîr û qirêj bi rê ve dibe. Li şûna ku zîhniyeta DAÎŞ’ê, hovîtiya li dijî jinanû sepanên demokrasiyê binpê dikin, eşkere bike, serî li zimanekî ku gelê Kurd sûcdar dike, dide.
Weke jinên Kurd em bang li we nakin ku hûn edalet û heqîqetê dabîn bikin, em bang li we dikin ku hûn vê zîhniyeta xwe ya qirêj û rastiyan berovajî dike, biguherînin. Weke jinan em polîtîkaya we ya weşanê şermezar dikin. Ji ber ku em dibînin ku hûn xizmeta gotinên nefretê dikin û hûn bûne hevparên sûcên li dijî mirovahiyê!
Weke jinan em vê yekê bi awayekî eşkere dibêjin:
Deq û dolabên we yên qirêj, gefên we û şerê we yê psîkolojîk nikarin me teslîm bigirin. Hûn ne dikarin îradeya jinên Kurd biçewisînin ne jî serî bidin tewandin.
Têkoşîna jinan wê têk neçe.
Em bang li hemû jinan dikin ku li gel bertekên demokratîk li hemberî weşanên dijminê jinan nerazîbûnên xwe yên mafdar û rewa nîşan bidin.’’
