Serokê DYE’yê Donald Trump li ser Truth Social daxuyaniyek da û got, “Şerîda Xezeyê di dawiya şer de wê ji aliyê Îsraîlê ve ji DYE’yê re bê hiştin.”
Trump got, “Fîlîstînî wê li herêmê li civatên bedew û bi ewle ku malên xwe yên nû û nûjen e bêne bicihkirin. Bi vî rengî wê bibin xwedî wê şensê ku kêfxweş, ewle û azad bin.”
Serokê DYE’yê bi dewamî got, “DYE wê bi tîmên pêşvebirinê yên bêhempa yên ji çar aliyên cîhanê bixebite, hêdî û bi baldarî wê dest bi înşaetê bike ku bibe yek ji pêşketinên herî bi heybet û mezin ê li ser rûyê cîhanê. Pêwîstiya Dewletên Yekbûyî yên Emerîkayê wê bi leşkeran nebe! Li herêmê wê aramî pêk were.”
Donald Trump roja Sêşemê daxuyaniyek dabû û diyar kiribû ku DYE wê herêma Fîlîstînê ‘bi demdirêjî kontrol bike’, ‘hemû bombeyên xetere rake’, ‘herêmê rast bike’ û ‘ji avahiyên hilweşiyayî paqij bike’.
Sekreterê Giştî yê Neteweyên Yekbûyî Antonio Guterres li hemberî hewldana ‘paqijiya etnîkî’ hişyarî dabû û gotibû, “Gelekî girîng e ku dilsozî bi hîmên hiqûqî yên navneteweyî re bê nîşandan.”
