Trump ragihand ku ji bo “tankerên petrolê yên di lîsteya pêkanînê de” fermana dorpêçeke tam û berfireh a ku ketin û derketina Venezuelayê digire nava xwe, ragihand. Ev biryar weke mezinbûna krîza navbera her du welatan, tê nirxandin.
Petrol ji bo welatê Venezuelayê çavkaniya debarê ya herî girîng e. Rêveberiya Caracas ku ji sala 2019’an û vir ve di bin ambargoya DYE’yê de ye, neçar dimîne ku hilberandina petrolê bi taybetî ji bo Çînê, bi fiyatên ketî bifiroşe.
Trump rêveberiya Serokê Dewleta Venezuelayê Nicolas Maduro bi gotinên tund hedef girt. Serokê DYE’yê îdîa kir ku hikûmeta Maduro heqdestê petrolê ji bo “narkoterorîzm, bazara mirovî, cînayetan û revandina mirovan” bi kar tîne.
Rêveberiya DYE’yê Maduro sûcdar dike ku serkêşê toreke navneteweyî ya qeçaxçitiya tiryakê ye. Maduro van sûcdariyan bi zimanekî teqez red dike û îdîa dike ku armanca esas a Washingtonê têkbirina welatê wî ye û çavkaniyên petrolê yên Venezuelayê bi dest bixe.
Li aliyê din DYE’yê li Karîbîkan di rêjeyeke girîng de leşker sewq kirin. Hat ragihandin ku hin keştî hatine bombebarankirin ku dihat îdîakirin têkiliya wê bi qeçaxçitiya tiryakê ya ji Venezuelayê heye.
Trump ev tişt jî got, “Venezuela bi temamî hatiye dorpêçkirin. Hebûna leşkerî wê hîn bêhtir were zêdekirin.”
Trump gefên xwe domand: “Ew ê bi rengekî bê hempa matmayî bimînin.”
