27 sal in Rêber Apo di girava Îmraliyê de, dîl hatiye girtin. Bi derketina fikrê Rêber Apo re bi hezaran kes li dora wê fikrê kom bûn û ji mirinê jiyanek afirandin. Şêniyên Kobanê ji ANF’ê re axivîn û gotin, bi fikrê Rêber Apo re ew ê bigihijin serketinê.
Bavê du şehîd û birayê şehîdekî Elî Omer Ehmed dibêje, komplo ne tenê li ser Rêber Apo ye lê di şexsê wî de li dijî tevahî Kurdan e û wiha got: “Bi sedan Komplo li ser gelê me yê Kurd ferz kirin, xwestin di şexsê Rêber Apo de jî komployê mezintir bikin û bi wê yekê re careke din netewa Kurd tune bikin û qir bikin. Li Rojavayê Kurdistanê em her salê rastî komployekê tên, armanc ji wê komployê ew e ku maf û nasnameya me ya Kurdan tune bikin.”
‘EM Ê BI FIKRA RÊBERÊ XWE ZAROKÊN XWE YÊN NÛWELIDÎ MEZIN BIKIN’
Elî Omer Ehmed got, “Rêber Apo bi fikrê xwe bû pireke serkeftinê. Rêber Apo fikir, îdeolojî, perwerde û naskirina dîrok û nasnameya xwe, hemû li pêşiya çavên me raxistiye, divê em weke gelê Kurd jî niha êdî Rêberê xwe jiyan bikin, divê êdî em Rêberê xwe fîzîkî azad bikin. Em ê heta dawiyê li ser Riya Rêberê xwe bin, em ê fedaiyê Rêberê xwe bin. Em ê bi fikrê Rêber Apo zarokên we yên nû welidî mezin bikin.”
Dayîka bi navê Xedîca Îmam Elo jî anî ziman ku beriya derketina fikra Apoyî zimanê wan qedexe bû û got: “Em ji bajarê Kobanê ne, demê me berê xwe didan bajarên weke Heleb û Şamê zimanê me li wir li me qedexe dikirin, nedihîştin ku em bi zimanê xwe fêr bibin. Me jî bi zimanê Erebî nizanîbû, ji me re digotin ger hûn nizanin hûn ê lal bin. Lê bi derketina Fikra Rêber Apo êdî ji nûve zimanê me û mafê me vejîn bû. Me dest bi kar û xebatê kir, me her tiştên xwe bi dizî dikirin. Em kor bûn, bê çav bûn, bi derketina Rêber Apo re em bi çav bûn.
Xwestin me bikin kole, me tune bikin, lê em xwediyê fikra Rêberê xwe ne, me ew biryara serkeftinê daye û em ê bi wê jî bi ser bikevin, xwestin me kole û qir bikin, lê dîsa jî nikaribûn. Êdî em hene.”
