Fermandara Biryargeha Navendî ya YJA Starê, bi daxuyaniyeke nivîskî gerîllayên azadiyê yên ku di dem û dîrokên cuda de şehîd bûne, bi bîr anî û wiha got, “Ji ber dijwarî û giraniya şer, me nekarî şehadeta hevrêyên xwe di demê xwe de ragihînin. Ragihandina şehîdên me, dereng jî be deynê me ye.”
ÇAVKANIYA ME YA JIYAN Û TÊKOŞÎNÊ
Di daxuyaniyê de wiha hate gotin:
“Şehîdên me ku çavkaniya me ya jiyan û têkoşînê ne, bingeha Têkoşîna Azadiya Kurdistanê ava dikin. Tevgera me ya Azadiyê ku tevgerekî şehîdan e, li ser bingeha dilsoziya şehîdan û pêkanîna armanca wan xwe ava kiriye. Şehîdên me di demeke ku bêwatebûn dihat ferzkirin de, bi wateya ku li jiyanê bar kirin re şerê mirovbûyînê zindî kirin, li dijî bêwatebûna ku li gel û jinan dihat ferzkirin, di mirovbûyînê de bûne navê israrê. Me ji destpêka têkoşîna xwe heta roja îro, bi şehîdên xwe re meşiyan û ji roja ewil a tevgera me heta îro bi saya şehîdên xwe hebûna xwe parast. Wekî jinên Kurdistanî, hevdîtina me ya bi azaiyê re û rêya me ya ji bo azadiyê bi hêsanî pêk nehat, bi ked, hewldan û têkoşînekî bêyî sînor hat afirandin.
Şehîdên me ji bo her kes, zayend û çîna ku di erdnîhariya Kurdistanê de têkoşîna azadiyê dane, bûne nefesa jiyanê û eşkere kirine ku pêkanîna jiyana azad tenê bi berxwedaneke mezin dikare were pêkanîn.
DENGÊ JIYANA AZAD Û JINA AZAD
Berxwedana şehîdên me bi vê aliyê xwe ve, bingeha şoreşa Kurdistanê û exlaqa azadiyê yê li Kurdistanê pêş ket, pêk anî. Li dijî hemû bêesilîbûnên ku hate ferzkirin, bûn deng û çalakiya mirovê bi esil, jiyana azad û jina azad.
Di rêya azadiyê de, berdêla serhildana li dijî koletî û serweriyê pir mezin bûye. Azadî di gelek cih û deman de, xwe bi van berdêlan ji nû ve pênase û bi wate kiriye. Di dîroka her gel, çîn û zayendê de, gelek mînakên wiha bêhempa hene. Dîroka me ya azadiyê jî, xwedî mîrateyeke wiha mezin û bi heybet e. Kevirên bingehîn ên vê mîrateyê, di deh salên dawî de bi awayekî bi heybet hate jiyîn. Di şerê giran a bi dewleta Tirk re hat kirin de, me zarokên ji hev hêjatir a gelê xwe şehîd dan. Ji ber dijwarî û giraniya şer, me nekarî şehadeta hevrêyên xwe di demê xwe de ragihînin. Ragihandina şehîdên me, dereng jî be deynê me ye.
JI MALBATAN RE SERSAXÎ
Di destpêkê de em ji malbatên hêja yên şehîdên xwe ku di rojên dawîn de li Amed, Stenbol, Wan, Gever, Cizîr û Mêrdînê şehadeta wan hate ragihandin û gelê xwe yê welatparêz re sersaxiyê dixwazin. Em şehîdên xwe yên azadiyê bi rêzdarî û minetdarî bi bîr tînin, li pêşiya bîranînên wan bi rêzdarî bejna xwe ditewînin û soza xwe ya pêkanîna armancên wan ên azadiyê dubare dikin. Em di wê baweriyê de ne ku di serî de bajar û navçeyên ku wê li wan deran şehîdên me werin bibîranîn wê li hemû bajarên Kurdistanê û heya derveyî welêt xwedî li şehîdên me derkevin û ew werin bibîranîn. Yek ji erkê me yê sereke yê li hemberî şehîdên me ew e ku ew ê bi layiqî werin bibîranîn û ala wan a têkoşînê were bilindkirin. Şehîdên me, şehîdên şopandina heqîqeta Rêbertî, belavkirina ronahiya Rastiya Rêbertî ya li Kurdistanê û avakirina zemîna jiyana azad in. Wan li Kurdistanê rê li ber avakirina jiyaneke azad û demokratîk vekirin.
EW Ê BIJÎN Û ZINDÎ BIMÎNIN
Em a niha di wê demê de ne ku em ala wan dewr bistînin û li gel Rêbertiya Azad û li Kurdistana Demokratîk bi awayekî çalak beşdarî Pêngava Aşitî û Civaka Demokratîk bibin û xeyalên wan pêk bînin. Heya ku civaka azad û demokratîk ser bikeve û gelê me azad be wê şehîdên me jî tim û tim bijîn û zindî bimînin.
Girêdayî vê yekê em jî weke Fermandariya Biryargeha Navendî ya YJA STAR’ê soza xwe dubare dikin ku em ê li gel hemû fermandarî û şervanên xwe tola şehîdên xwe li gel avakirina jiyana azad hilînin û girêdayî vê yekê layiqî biranînên wan bibin.’’
