Daxuyaniya Navenda Ragihandin û Çapemeniyê ya HPG’ê bi vî rengî ye:
“Li Herêma Rojavayê Zapê ya Şehîd Delîl;
14’ê Adarê di saet 14.25’an de bi taktîka sekvaniyê li dagirkeriyên li Qada Berxwedanê ya Girê Amediyê hate xistin û dagirkerek hate cezakirin. Ev çalakî ji aliyê hêzên me yên YJA Starê ve hat lidarxistin.
Êrîşên ku artêşa Tirk a dagirker bi teqemeniyên qedexekirî pêk anîn;
13’ê Adarê çeperên me yên şer ên li Qada Berxwedanê ya Girê Amediyê ya herêma Rojavayê Zapê ya Şehîd Delîl 3 caran bi dronên bombebarkirî hatin bombebarankirin.
Êrîşên ku artêşa Tirk a dagirker pêk anîn;
Di navbera 10-16’ê Adarê qada Dergelê, Serê Metîna, Bêşîlî û Şêlazê ya herêma Metînayê 8 caran, qada Berxwedanê ya Girê Cûdî û Girê Bahar a herêma Rojavayê Zapê ya Şehîd Delîl 10 caran, qada Ava Lolanê, Kolît, Girê Şehîd Şerîf a herêma Xakurkê 13 caran, qada Girê Zengil, Xêrê, Deşta Kafya, Deriyê Hirçê, Sêdarê ya herêma Garê 6 caran, Qada Berxwedanê ya Şehîd Îbrahîm a herêma Zapê carekê; bi giştî 38 caran bi balafirên şer hatin bombebarankirin.
10 û 11’ê Adarê qadên Kolît û Geliyê Lolanê ya herêma Xakurkê bi helîkopterên êrîşê hatin bombebarankirin.”
