Girtiyên bi navê Tahsîn Sagaltici, Gurkan Turkoglu û Huseyîn Ozen ku di Girtîgeha Ewlehiya Bilind a Antalyayê de li dijî tecrîd û girtîgehên ku weke ‘bîrê’ tên pênasekirin tîpên YGC, Y û S’yê di nava berxwedanê de bûn. Tahsîn Sagaltici û Gurkan Turkoglu 266 roj û Huseyîn Ozen ê 57 salî jî 247 roj çalakiya birçîbûnê lidar xistibûn. Piştî 21’ê Nîsanê daxwazên wan hatibû qebûlkirin dest bi çalakiyê berda bûn.
Gurkan Turkoglû ev 3 meh bû li Nexweşxaneya Bajêr a Antalyayê di rewşa awarteyê de dihat dermankirin. Rewşa Gurkan Turkoglû doh giran bibû û rêveberiya girtîgehê malbata Turkoglû geriyabû û gotibû ‘werin dawiyê zarokê xwe bibînin.’
Têkildarî bûyerê Buroya Gel a Hiqûqê ser medyaya dîjîtal daxuyanî da û wiha got: “Muwekilê me Gurkan Turkoglû jiyana xwe ji dest da. Girtîgehên Bîrê caneke din jî bir. Pêvojo bi mudaxeleyeke zorê hat vê rewşê. Kujerên Gurkan Turkoglû Wezareta Dadê, Wezareta Tenduristiyê û desthilatdara ku Girtîgehên Bîrê înşa kirine ye. Gurkan Turkoglû nemir e.”
