Nameya ku ji aliyê her sê welatan ve ji Neteweyên Yekbûyî (NY) re hatî şandin, nûçeya ku beriya niha li ser Rojnameya Financial Timesê hatî weşandin, piştrast kir.
AFP’ê jî name bi dest xistiye û di nameyê de Wezîrên Karên Derve yên her sê welatan diyar dikin ku ger Îran heya dawiya meha Tebaxê nexwaze li ser çareseriyeke dîplomatîk li hev bike yan jî derfeta demdirêjkirinê bi kar neyne, ew amade ne ku li dijî Îranê dubare serî li hemû pêkanînên navneteweyî bidin.
Wezîrê Karên Derve yê Elmanyayê Johann Wadephul, hevpîşeyî wî yê Fransiz Jean-Noel Barrot û hevpîşeyê wî yê din ê Îngilîz David Lammy tînin ziman ku li gel vê yekê ew bi biryar in ku krîza ji ber bernameya nukleerî ya Îranî rû daye bi rêyên dîplomatîk çareser bikin û ji bo ku bi rêya muzakereyan çareserî were bidestxistin ew ê hevdîtinên xwe bidomînin.
