Hevseroka Giştî ya DEM Partiyê Tulay Hatîmogûllari di çalakiya şermezarkirina desteserkirina şaredariya Wanê û tayînkirina qeyûman de axivî û got: “Cezakirina hevşaredarê me, tolhildana ji gelê Wanê ye. Rewşên ku dema qeyûm tayînî şaredariyê tê kirin, weke helwesta Îsraîlê ya li dijî Filistînê ye. Dagirkirina Wanê mîna dagirkirina welatekî din e. Em ji gelê Wanê ji we re gotiye biçin. Desthilatdar ew qas hêrs bûye ku li cihên ku lihevkirina bajaran pêk hatiye hewl didin qeyûm tayîn bikin. Em ê bi van gelan re lihevkirina bajaran berfirehtir bikin. Em ê têkoşîna xwe ya ji bo demokrasiyê bidomînin.
Di 15’ê Sibatê roja ku birêz Ocalan bi komployê anîn Tirkiyeyê de qeyûm tayînî îradeya gelê Wanê hat kirin. Ji bo demokrasiyê çi bedel pêwîst be em ê bidin, em van şaredariyan ji çar dîwaran pêk nabînin, em ê piştgiriyê bidin têkoşîna xwe û hevşaredarên xwe xwe. Em ê ji bo demokrasiyê têkoşîneke gelekî mezintir bidin. Li dijî rejîma mêtinger û otorîter a ku li vî welatî tê xwestin bê avakirin, em ê têkoşîna xwe ya demokrasiyê di çarçoveya herî berfireh de nîşan bidin.
EV YEK NAYÊ QEBÛLKIRIN
Divê were zanîn ku dema pêvajoya diyalogê didome, tayînkirina qeyûman ji aliyê vê desthilatê ve nayê qebûlkirin. Ez dizanim ku gelê Wanê jî vê yekê baş dizane. 15’ê Sibatê roja ku Birêz Abdullah Ocalan bi komployekê anîne Tirkiyeyê ye. Di rojeke wiha dîrokî de bi zanebûn, bi dildarî û bi zanebûn di heman rojê de qeyûm tayînî Şaredariya Bajarê Mezin a Wanê kirin. Ji ber vê sedemê em we şermezar dikin, şermezar dikin, şermezar dikin.
Jixwe berdêla aştî û demokrasiyê em didin û em ê bidomînin. Ji bo me şaredarî ne çar dîwar in. Ji bo me şaredarî kolan e, gel e. Şaredarî ji bo me jin, ciwan, dayikên aştiyê ye. Em ti carî di nava çar dîwarên şaredariyên ku ji aliyê dizan ve hatiye dagirkirin asê nebûne û nabin. Bila bê zanîn ku em ê têkoşîna xwe bidomînin û vîna xwe biparêzin.”
DBP: JI BER HATINE HILBIJARTIN DAVÊJIN GIRTÎGEHÊ
Hevseroka Giştî ya Partiya Herêmên Demokratîk (DBP) Çîgdem Kiliçgun Ûçar jî wiha axivî: “Hevşaredarên me ne ji ber sûc kirine, ji ber ku hatine hilbijartin tên girtin. Gelê Wanê zilmek mezin dît, lê berxwedan jî kirin kevneşopî. Wê Komkujiya Zîlan, 33 gule û gotinên Feqiyê Teyran ji bîr neke. Gelê Wanê ti carî dîl nehatiye girtin û wê neyê girtin. Ev berxwedan û îradeyeke bê dawî ye. Gelê Kurd bi bidestxistina şaredariyan ji dewletê re tiştekî dibêje. Kurd niha dixwazin pirsgirêka Kurd çareser bibe.
(…) Her tayînkirina qeyûman û dîmenên tundiyê, daxuyaniya dîrokî ya birêz Ocalan ku Tirkiye bi kelecanek li benda wê ye, sabote dike. Ger derbarê çareseriyê de fikrek we hebe, ji kerema xwe daxuyaniyeke dîrokî hûn jî bidin. Ez di wê baweriyê de me ku ev berxwedan û daxuyaniya dîrokî ya birêz Ocalan hevdu temam bikin.”
Berxwedana li bajêr her ku diçe belav dibe. Polîs li dijî gel çekan bi kar tîne. Li gorî agahiyên hatine bidestxistin derdora 10 hezar polîs bajar dorpêç kirine.
