Ciwanên Kurdistanî yên li Ewropayê, bi daxwaza azadiya fîzîkî ya Rêber Apo wê 4’ê Îlonê li bajarê Koln ê Elmanyayê li hev bicivin.
Amadekar dibêjin, meşa ku wê ciwanên Kurdistanî û enterasyonalîst tevlî bibin ne tenê çalakiyeke piştevaniyê be, wê bibe pêngaveke azadiyê ya xurt ku îradeya rêxistinbûyî, biryardariya têkoşînê û îdîaya ji bo paşeroja azad a ciwanan bê nîşandan.
Ciwan wê bi meşa Kolnê peyama “Azadiya Rêber Apo azadiya me ye bidin.” Meş wê di heman demê de ji bo bîranîna şehîdên şoreşê yên Kurdistanê bê lidarxistin.
Rojek beriya meşa 4’ê Îlonê wê di 3’ê Îlonê de kombûneke berfireh a ciwanan li Kolnê bê lidarxistin. Endamê Sekreterya Îmraliyê Çetîn Arkaş wê bi rengekî zindî beşdarî kombûnê bibe û ji ciwanan re biaxive.
Di çalakiyê de wê sînevîzyonek li ser karên rêxistinbûnê û çalakiyên ciwanên Kurdistanî yên li Ewropayê bê nîşandan.
Hozan Diyar û Talat Yeşîl jî wê beşdarî çalakiyê bibin û stranên xwe ji ciwanan re bibêjin.
BERNAMEYA SÊ ROJAN
Ciwan piştî kombûna 3’ê Îlonê wê di 4’ê Îlonê de li kolanên Kolnê ji bo azadiya fîzîkî ya Rêber Apo bimeşin. Bername wê bi beşdariya girseyî ya li Festîvala Çanda Kurd a Navneteweyî bi dawî bibe ku 5’ê Îlonê li Dortmundê wê were lidarxistin.
