Birîn û talankirina daristan û wêrankirina xwezaya Başûrê Kurdistanê ji aliyê dewleta Tirk ve bi awayek sîstematîk berdewam dike. Hate diyarkirin ku darên ku li gundê Kêste yê Berwara Bala yê girêdayî navçeya Amêdiyê ya parêzgeha Dihokê tên birîn, di bin çavdêriya artêşa Tirk de bi kamyonan ji bo Tirkiyeyê yên veguhastin.
Di dîmenên ku Rojnewsê bi dest xistiye de, careke din asta wêrankirina jîngehê nîşan dide.
Parêzvan û çalakvanên jîngehê diyarkirin ku tiştên ku diqewimin ne tenê talankirina daristanan e, di heman demê de zirarên bêveger dide çavkaniyên xwezayî yên herêmê.
Hate destnîşankirin ku xelkê herêmê jî ji ber van bûyeran, nikarin vegerin gund û baxçeyên xwe.
Hate diyarkirin ku kiryarên leşkerî yên dewleta Tirk li Başûrê Kurdistanê, di demeke ku Pêvajoya Aştî û Civaka Demokratîk a bi armanca çareseriya demokratîk û aştiyane ya pirsgirêka Kurd dewam dike de, berdewam dike.
