Dayikên Şemiyê ku her hefteyê Qada Galatasarayê ji bo aqûbeta xizmên xwe yên di bin çavan de hatine windakirin û qetilkirin, tên ba hev. Dayikên Şemiyê çalakiya xwe ya 1041’emîn lidar xistin. Di çalakiyê de wêneyên windayan û qurnefîl hatin hildan. Hate xwestin ku kujerên Alî Işik ê di sala 1994’an de li Dersimê hatî qetilkirin, bên darizandin.
Ji Mirovên Şemiyê Besna Tosun diyar kir ku 8’ê Adarê Roja Jinên Kedkar ên Cîhanê ji bo jinan maf, wekhevî, azadî û piştevaniyê temsîl dike.
Besna Tosun çîroka Alî Işik ê li Dersimê ji aliyê leşkeran ve hatî qetilkirin, vegot. Besna Tosun bi bîr xist ku hemû hewldanên ji bo edaletê, bêencam dimînin û got, “Bi wesîleya 8’ê Adarê em car din dibêjin: Jin aştiyê dixwazin! Dayikên /Mirovên Şemiyê aştiyê dixwazin.”
