Şandeya ku ji Alîkara Hevserokatiya Giştî ya Berpirsyara Komîsyona Têkiliyên Derve ya DEM Partiyê Ebru Gunay, Alîkarê Hevserokatiya Giştî yê Berpirsyarê Rêveberiya Herêmî ya Demokratîk Mehmet Ruştu Tiryakî û Parlamentera Amedê Ceylan Akça pêk tê, 22-28’ê Hezîranê li paytexta Emerîka Washingtonê û eyaletên din dest bi hevdîtinan kir.
Şandeyê bi Washington DC û endamên DEM Partiyê re civîn lidar xist; serdana Sefîrê Bilind ê Washington ê Tirkiyeyê Sedat Onal jî kir.
Şande di civîna maseya gilovir de ya bi malûvaniya Middle East Institute (MEI) hatî lidarxistin, bi rêxistinên fikrî û derdorên dîplomatîk re hevdîtin kir. Di civînê de geşedanên rojane yên li Tirkiye, Îran û Sûriyeyê û geşedanên dawî yên li herêmê hatin nirxandin.
Şandeya DEM Partiyê bi hin endamên ji Senatoya DYE’yê û yekîneyên ji Wezareta Karên Derve re hevdîtin kir û li ser têkiliyên dukesî, demokratîkbûn û geşedanên herêmî hevdîtin kirin. Şandeyê serdana Nûneriya Washington a Rêveberiya Herêmî ya Kurdistanê jî kir. Têkildarî yekîtiya neteweyî û Pêvajoya Aştî û Civaka Demokratîk nêrîn hatin parvekirin.
Şandel li Philadelphia’yê bi Desteya Rêveberiyê ya Foreign Policy Research Institute (FPRI) û endaman re jî hevdîtin kir û li ser meseleyên kûreyî û meseleyên herêmî nêrîn parve kirin. Li New Yorkê jî bi Sosyalîstên Demokratîk a Emerîkayê (DSA) re jî hevdîtin hate kirin.
Şandeya DEM Partiyê piştre dîsa bi nûnerên rêxistinên çapemeniyê yên cur be cur yên ji navenda DYE’yê û rojnamevanan re jî hat ba hev; têkildarî geşedanên siyasî yên li Tirkiyeyê û nêzîkatiya DEM Partiyê ya ji bo meseleyan nirxandin hatin kirin.
