Rayedaran, ragihandin ku di encama Bagera Kalmaegî de herî kêm 140 kes mirine. Hat diyar kirin ku gelek bajar û gund di bin avê de mane û bi hezaran kes bê mal bûne. Çav li rê ye ku bager îşev bigihîje peravên Viyetnamê.
Li eyaleta Cebu bajar bi tevahî di bin avê de man, wesayît û konteyner li ber avê çûn. Mirovên ku hewl dan xwe ji lehiyê rizgar bikin, neçar mane ku li ser banan bi cih bibin.
Li Liloanê herî kêm cenazeyê 35 kesan hatin derxistin. Gelek banî ji ber bagerê ketin û tax di nava heriyê de man.
Li Girava Negros jî barana dijwar çalên li dora Volkana Kanaonê xist tevgerê. Ji ber ava heriyê ku bajar tev di bin de ma, bû sedem ku 30 kes li vir bimirin.
Şeş wezîfedarên ku di helîkoptereke leşkerî de ji bo rizgarkirinê çûbûn herêmê ket xwarê û hemû wezîfedar mirin.
VÎETNAMÊ DI ALARIMÊ DE YE
Cîgirê Serokwezîr Tran Hong Ha, bagerê wekî “pir xeternak” bi nav kir û banga tedbîrên lezgîn kir.
Pisporan, destnîşan dikin ku germbûna avhewayê hêza bagerê dijwartir dike.
Îsal tevî Bagera Kalmaegî 20 bager li Fîlîpînê xist. Lê karesata herî mezin ku bû sedema wêranî û windahiyek mezin Bagera Kalmaegî ye.
