Wanspor û Amedspor ku di Lîga 1’emîn a Trendyolê de dilîzin, îro li Stadyûma Wanê hatin pêşberî hev. Maça di navbera her du tîmên Kurdan de ku weke derbiya Kurdistanê hat pênasekirin, bi hestên xwişk û biratiyê dest pê kir. Stadyûm tije bû û alîgirên her du tîman bi hev re dirûşmeya “Kîne, Em Kurdin” berz kirin. Alîgirên Wansporê di deqeya 21’an de ji bo alîgir û tîma Amedsporê tezahurata “Amed” kirin. Di beşa yekemîn de gol nehat avêtin, lê kelecana alîgiran di lûtkeya herî jor de bû.
Di beşa duyemîn de Wansporê xurt dest pê kir de Wanspor 3 gol avêt. Wanspor derbiya Kurdistanê 3-0 bi ser ket. Alîgiran, lîstikvanên her du tîman jî pîroz kirin û maç bi hestên xwişk û biratiyê bi dawî bû.
