Serokê Giştî yê Partiya Gel a Komarê (CHP) Ozgur Ozel di bernameyeke televîzyonê de de li ser Pêvajoya Aştî û Civaka Demokratîk axivî.
Ozgur Ozel li ser komîsyona ku li Meclisê hatiye damezrandin rawestiya û got, “Komîsyon tenê guhdarî dike û nakeve nava liv û tevgerê. Lê li ber destê me lîsteyeke ku Tirkiyeyê demokratîk bike heye. Di serê vê lîsteyê de ji kîjan fikir û baweriyê dibin bila bibin girtiyên nexweş û hikûmxwar hene. Divê em der barê van kesan de bi lezgenî sererastkirin çêbikin.”
Ozgur Ozel wiha berdewam kir: “Piştre, hewceyî sererastkirinên derbarê qeyûman de heye. Çima li benda Sûriyeyê ne, ev pirsgirêkên ku me eleqedar dikin in? Bi qasî cîhanê li girtîgehan mirov li benda sererastkirinên înfazê yên nû ne. Divê li ser vê mijarê xebat bê kirin. Xalên ku bi lez bên sererastkirin hene. Em bawer dikin ku bi vekirina Meclisê re divê hin sererastkirinên qanûnî bi lez werin çêkirin. CHP wê der barê vê mijarê de tevkariyeke aktîf bike.”
Ozgur Ozel destnîşan kir ku desthilat vê pêvajo bi awayekî “xirab bi rê ve dibe” û got, “Eger ev derfet ji dest biçe, ne diyar e wê dîsa kengî were.”
Ozgur Ozel got, “Ez nikarim ne nîjadperestên Tirk xemgîn bikim û ne jî bibim dijminê Kurdan. Bi qasî cîhanê hevalên min ên Kurd hene ku vî welatî bi qasî min hez dikin. Ji ber vê yekê, divê em serketina hevpar ku hem nîjadperestên Tirk û hem jî Kurdan razî bikin, bi dest bixin. Em ne wekî ‘Tifaqa Millet’ wekî Tifaqa Tirkiyeyê berdewam dikin.”
