Komîsyona Jinan a Konseya Parastina Neteweyî ya Îranê têkildarî rewşa girtiyên jin ên siyasî yên di Girtîgeha Evîn de raporek belav kirin.
Di raporê de hatiye diyarkirin ku niha, nêzîkî 60 girtiyên siyasî yên jin di jêrzemîna şil û nexweş a Girtîgeha Evînê de dimînin û ji mafên wan yên herî sereke bê par tên hiştin. Her wiha hatiye gotin ku tedawîkirina ji aliyê bijîşkên pispor û dermanên pêwîst, her wiha veguhestina wan ji bo nexweşxaneyên dervey girtîgehê gelek sinordare. Di raporê de hatiye destnîşankirin ku gelek caran daxwaza tedawiyê ya ji aliyê girtiyan ve tê kirin, tê red kirin.
Di dewama raporê de hatiye diyarkirin qawîşên girtiyên siyasî nayên paqijkirin û ji ber zêdebûna cirdan a di nava girtîgehê de metirsiya bi nexweşiyan û belavbûna wan heye. Hatiye diyarkirin tevî vê rewşa heyî jî ti tedbîrek ji bo paqijgirtina qawîşan negirtine.
Di beşek din a raporê de tê gotin: “Deriyên qawîşan demek dirêj girtî dimînin, girtî bi saetan di cihên girtîde dimînin. Ev rewş bandorek xirab li ser tendirustiya girtiyên bi temen û nexweş dike. Rewşa girtiyên ku nexweşiyên kronîk pêrene hîn xirabtir dike. Heta niha berpirsên girtîgehê di derbarê rewşa girtiyan de ti agahiyek bi malbatên wan re parve nekiriye.”
