Komîsyona Girtîgehan a Şaxa Komeleya Mafên Mirovan (ÎHD) a Stenbolê çalakiya “Rûniştina Fyê” ya 751’emîn a du hefteyan carekê tê pêkanîn, li pêşiya avahiya komeleya xwe ya li navçeya Beyoglûyê li dar xist. Aktivîstên mafên mirovan, malbatên girtiyan û nûnerên rêxistinên siyasî û sivîl tevlî çalakiyê bûn. Parêzvanên mafên mirovan di çalakiya vê hefteyê de bal kişandin ser rewşa girtiyê nexweş Davût Mînaz ê ku hê jî di Girtîgeha Umraniyeyê ya Tîpa Eyê tê ragirtin.
Endamê Tevgera Sosyalîst Demokrasiyê Mûsa Pîroglû daxuyaniyê xwend.
ENQERE
Însiyatîfa ji Girtiyên Nexweş re Azadî, di 623’emîn çalakiya xwe ya heftane li Kolana Sakaryayê ya navçeya Çankayayê ya Enqereyê de daxuyanî da. Endamên înîsiyatîfê û Şaxa Komeleya Mafên Mirovan (ÎHD) a Enqereyê û parêzvanên mafên mirovan beşdarî daxuyaniyê bûn. Di daxuyaniyê de pankarta “Dermankirin maf e nayê astengkirin, girtiyên nexweş demildest berdin” dinivisî hat vekirin. Di daxuyaniya vê hefteyê de înîsiyatîfê bal kişand ser rewşa girtiyê nexweş Necdet Koç ê di Girtîgeha Tîpa F a Wanê tê ragirtin.
Hevseroka Şaxa ÎHDê ya Enqereyê Sevîl Turgut daxuyanî xwend û bang kir ku girtiyên nexweş demildest bên berdan.
