Di çarçoveya Pêvajoya Aştî û Civaka Demokratîk de piştî qanûna çarçoveyê ya ku ji Meclîsê derbas bû, sernavên ku li derveyî çarçoveyê man careke din bûn rojev. Parlamentera Sêrtê ya DEM Partiyê Sabahat Erdogan Saritaş ji ANF’ê re axivî û diyar kir ku qanûn girîng e lê kêm e.
‘NIVÎS TÊR NAKE, PRATÎKA WÊ GIRÎNG E’
Sabahat Erdogan Saritaş, destnîşan kir ku ka wê qanûn çawa bê sepandin ji bo siberoja pêvajoyê diyarker e û got: “Sepandina qanûnê pir girîng e. Ji ber ku awayê sepandina wê ya ji niha û pê ve, bê guman ne tenê bi nivîskî bûn e, nîşan dide ku wê di pratîkê de jî di rastiyê de çawa bê sepandin.”
‘DERENGMAYÎN DIVÊ NEBE SEDEMA FIKARÊN NÛ’
Sabahat Erdogan Saritaş, diyar kir ku derengmayîna di pêvajoyê de di nav civakê de dibe sedema fikarê û anî ziman ku divê komîsyon zû bi zû bên ava kirin. Sabahat Erdogan Saritaş got: “Divê ev derengmayîn ji bo pêvajoya ji niha û pê ve nebe. Ji ber vê yekê divê di pratîkê de ev komîsyon zû bi zû bên ava kirin û êdî bikevin pratîkê.”
‘LÎ ZÎNDANAN BI HEZARAN GIRTIYÊN SIYASÎ HENE’
Sabahat Erdogan Saritaş, da xuyakirin ku divê qanûn girtiyên siyasî û siyasetmedarên Kurd ên li derveyî welat jî bigire nav xwe û wiha got: “Bi hezaran girtiyên siyasî yên ku li zindanan li benda berdanê ne hene” û anî ziman ku divê çarçoveya pêvajoyê bê berfirehkirin.
‘ÊDÎ TU PARTÎ NIKARE MESELEYA KURD JINEDÎTÎ VE BÊ’
Sabahat Erdogan Saritaş, bal kişand ser girîngiya pejirandina qanûnê bi piraniya dengan û temsîliyetê û wiha got: “Êdî li Tirkiyeyê tu partiya ku siyasetê dike nikare vê meseleyê jinedîtî ve bê.” Sabahat Erdogan Saritaş, anî ziman ku divê tevgerên jinan û civakên sivîl jî cihên xwe di pêvajoyê de bi rengek çalak bigirin.
‘PIRSA HERÎ BINGEHÎN A GELÊ KURD AZADIYA BIRÊZ OCALAN E’
Sabahat Erdogan Saritaş, diyar kir ku di civînên gel de yek ji mijarên ku herî zêde tê rojevê mercên fizîkî û azadiya Rêber Apo ye û wiha domand: “Hema hema hemû gelê Kurd vê pêvajoyê rasterast bi azadiya Birêz Ocalan re girêdayî dibîne.”
‘DIVÊ DI SERÎ DE GAVÊN NÛ YÊN HIQÛQÎ AZADIYA BIRÊZ OCALAN BE’
Sabahat Erdogan Saritaş, destnîşan kir ku qanûna çarçoveyê tenê gava yekem a pêvajoyê ye û diyar kir ku rêziknameyên nû divê di serî de statû û azadiya fizîkî ya Rêber Apo bigirin dest û got: “Gavên nû yên hiqûqî yên ku bêne avêtin divê di serî de ew qanûn bin ku statû û azadiya fizîkî ya Birêz Ocalan misoger dikin bin.”
‘QANÛN PIR KÊM E, DIVÊ GIRTIYÊN HETA HETAYÊ JÎ BIGIRE NAV ÇARÇOVEYÊ’
Sabahat Erdogan Saritaş, rexne li qanûnê ku demên piştî sala 2005’an nagire nav xwe kir û diyar kir ku divê kesên ku cezayê girtîgehê ya heta hetayê ya giran xwarine jî di nav vê rêziknameyê de bin. Sabahat Erdogan Saritaş got “Qanûn di vî aliyê xwe de pir kêm e” û banga rêziknameyeke nû ya hiqûqî kir ku hemû kesên li derveyî çarçoveyê man bigire nav xwe.
