Di çarçoveya “Civînên Aştî û Civaka Demokratîk” ên DEM Partiyê de, li navçeyên Bismil û Farqîn ên Amedê civînên gel hatin lidarxistin. Civîna Bismilê li Parka Meydanê hat lidarxistin. Di nav wan de nûnerên partiyên siyasî û rêxistinên civaka sivîl jî hebûn gelek kes beşdar bûn. Civîn bi deqeyek rêzgirtinê dest pê kir. Piştre peyama dîtbarî ya Rêber Apo ya di 9’ê Tîrmehê de hat weşandin û dîmenê Koma Aştî û Civaka Demokratîk a ku di 11’ê Tîrmehê de şewitandina çekan hatin pêşandan.
Hevserokê DEM Partiyê yê Bismilê Cemîl Tekînoz di civînê de axivî û diyar kir ku divê bêhtir xwedî li pêvajoyê were derketin. Tekînoz wiha got, “Encamên civînên me nîşan dan ku gelê Kurd bi Rêberê xee re ne.” Tekînoz anî ziman ku ew ê bi gel re xwe birêxistin bikin û hewldanên xwe bidomînin.
Gelek jin beşdarî civînê bûn û fikarên xwe yên li ser nebûna gavên dewletê anîn ziman. Tevî vê yekê jî beşdaran dilsozî û baweriya xwe bi Rêber Apo anîn ziman û bi gotina, “Em aştiyek bi rûmet dixwazin” xwedî li pêvajoyê derketin û des6nîşan kirin ku çi bikeve ser milê wan ew ê pêk bînin.
Her wiha anîn ziman ku Rêber Apo û PKKê erkê xwe kirine jî ew niha li benda gavên dewletê ne û diyar kirin ku gaveke yekem divê girtiyên siyasî bên berdan.
Civîn bi gerandina govendê bi dawî bû.
FARQÎN
Li taxa Malaelîkê ya Farqînê bi beşdarbûna gelel kesam civîna gel hat lidarxistin. Di axaftinan de li ser girîngiya pêvajoyê rawestiyan û hat destnîşankirin ku divê dewlet demildest gavên berbiçav bavêje.
