Şîrketa Kûlp Madencîlîk ve Diş Tîcaret A.Ş. ku li herêma Hesadînê ya navçeya Pasûr a Amedê li madenê digere, ji ber bandora vî karî ya li ser hawirdorê dibe sedema nerazîbûna gundiyan. Li gel ku rapora Nirxandina Bandora li Hawirdorê (ÇED) a şîrketê hatiye betalkirin jî karê xwe dewam dike. Lewma jî şêniyên herêmê dest bi çalakiya şermezarkirinê kirin.
Gundiyan bi armanca rawestandina karên madenê kon vedan û ketin nobedê.
Hevşaredarê Pasûrê Mûrat Îpek serdana qada nobedê kir û anî ziman ku şîrket bi rengekî nehiqûqî xwezayê talan dike.
Serokê Komîsyona Bajêr û Hawirdorê ya Baroya Ameedê Ahmet Înan jî hat qadê û diyar kir ku karên şîrketê li dijî pêvajoyên qanûnî ye û her gava ku diavêje sûc e.
Gundiyan piştî daxuyaniyan li ber stranan govend gerandin.
Çalakiya nobedê tevahiya şevê dewam kir.
