Serokê Parlamentoya Iraqê Heybet Helbûsî têkildarî hilbijartina serokomar agahî belav kir. Helbûsî ragihand ku rûniştina hilbijartina serokomariyê dê li gorî bernameyê were lidarxistin, navên wan parlamenterên ku beşdarî rûniştinê nabin dê werin eşkerekirin.
Her wisa da zanîn ku serokatiya parlamentoya Iraqê û serokên fraksiyonan li hev kirine ku ji bo hilbijartina serokomar dîrokek destnîşan bikin.
Serokê Parlamentoya Iraqê behsa wê yekê kir ku hevpeymaniya îdareya dewletê di civîna dawî de, hewildanên Parlamentoya Iraqê pesinand û girîngiya bicihanîna erkên destûrî û diyarkirina rojeva civîna parlementoyê ya 11’ê Nîsana 2026’an ji bo hilbijartina serokomar tekez kir.
Rûniştina vê carê ya Parlamentoya Iraqê di demekê de ye ku, PDK û YNK hîn li ser namzetekî serokomariyê li hev nekirine ku Fuad Husên namzetê PDK’ê ye û Nizar Amêdî jî namzetê YNK’ê ye û li ser namzetê xwe israr dikin. Ger her du partiyên Kurd heta 11’yê Mijdarê lihev nekin, namzetên wan dê di parlementoyê de werin diyarkirin û her kesê ku piraniya dengan bidest bixe dê bibe serokomar.
Di heman demê de, Serokê Tevgera Hîkme ya Netewî û endamê Çarçoveya Hemahengiya Şîe ya Iraqê duh ragihand ku wan ji partiyan xwestiye ku xwe li ser yek namzetî zelal bikin û got; “Ger ew nikaribin du namzet hebin, her kesê ku piraniya dengan bidest bixe, dê bibe serok.”
Emar Hekîm eşkere kir ku wan wek aliyên Çarçoveya Hemahengiyê lihev kirine ku parlamenterên wan deng bidin kîjan namzetê postê serokomar.
