Duh, duşemê, saet 17.00ˋan, hêzên hikûmeta veguhêz a Sûriyeyê hemû rêyên ketin û derketinên taxên Şêxêeqsûd û Eşrefiyê yên Helebê girtin. Berî wê jî çend rê girtibûn û bendên axê bilind kiribûn. Piştî vê yekê gelê Şêxmeqsûd û Eşrefiyê ji bo vekirina rêyên hatine girtin çalakî li dar xistibûn. Hêzên hikumetê bi gaza îsotê û guleyan êrişî wan kir û hewl da bi tank û dronan bikevin her du taxan. Lê Hêzên Ewlekariya Hundirîn ên her du taxan ji bo parastina şêniyan bersiva êrişan da.
Pevçûn heta saetên derengiya şevê berdewam kirin, paşê hêzên hikûmeta veguhêz vekişiyan.
Li gorî agahiyn destpêkê, di encama topbaran û êrişan de şehîd û birîndar hene.
Niha, li her du taxan bêdengiyek heye, û hêzên hikûmeta veguhêz hîn jî li derdora taxan nuqteyên xwe xurt dikin û xwe bi cih dikin û dibe ku di her kêliyê de dîsa rewş şer alozî derkeve.
