Her du welatên ku ji sala 1980’yî ve ye têkiliyên wan dîplomatîk tune ne, roja Şemiyê bi navbeynkariya Ûmmanê têkildarî mijara nukleerê ya Îranê hevdîtinek pêk anîn.
Girêdayî daxwaza Îranê Wezîrê Karên Derve yê Îranê Abbas Arakçi û bi nûnerê DYE’yê Steve Witkoff re hevdîtineke rû bi rû pêk neanî.Lê belê her du aliyan piştî hevdîtinan axaftineke kurt kirin.
Hêjayî bibîrxistinê ye ku Serokê DYE’yê Donald Trump daxwaza hevdîtina rasterast kiribû. Berdevkê Wezareta Karên Derve yê Îranê Îsmaîl Bekayî roja Yekşemê di daxuyaniya xwe de got: ‘’Hevdîtin wê bi awayekî nerasterast berdewam bikin û Ûmman wê navbeynkar be.’’
HEVDÎTINÊN NÛ WÊLI EWROPAYÊ PÊK WERIN
Îran û DYE’yê roja Şemiyê biryar dan ku hevdîtinên xwe bidomînin. Li gorî ajansa nûçeyan a fermî Irnayê hevdîtin wê li Ewropayê pêk werin. Berdevkê Wezareta Karên Derve yê Îranê Îsmaîl Bekayî got: ‘’Wê hevdîtin bes li ser mijara nukleerê û rakirina cezayan bin.’’
GEFA ‘LÊXISTINÊ’
Wezîrê Parastinê yê DYE’yê Pete Hegseth roja Yekşemê di daxuyaniyekê de anî ziman ku hevdîtin bi awayekî erênî derbas bûye gef li Îranê xwar ku ger hevdîtin baş derbas nebin DYE wê ‘’bi awayekî dijwar li Îranê bixe.’’
Hegseth ji CBS’ê re axivî û got: ‘’Ger me nekarî em pirsgirêkê bi hevdîtinan çareser bikin,wê demê rê û rêbaz hene ku Îran tu carî nebe xwediyê bombeyên nukleerî.’’
Pete Hegseth di dewama axaftina xwe de ev yek anîn ziman: ‘’Li hemberî Husiyan û kiryaraên me yên li herêmê me nîşan da ku em dikarin ji dûr ve û bi awayekî dijwar lê bixin. Em naxwazin ev yek pêk were lê belê ger em neçar bimînin ji bo ku Îran nebe xwediyê bombeyên nukleerî em ê vê yekê jî bikin.’’
ÇAPEMENIYA ÎRANÊ ÇI DIBÊJE?
Rojnameya bi navê Şarq ku weke ‘’reformîst’’ tê naskirin, mijara berbehs weke xala herî girîng a têkiliyên di navbera her du welatan de ya ji sala 1979’an ve pênase kir. Rojname bi manşeta: ‘’Hêviyek ji bo hevdîtina rastîn a Tehran û Washingtonê.’’
Rojnameya bi navê Kayhan jî bi awayekî tund li hemberî lihevkirineke li ge DYE’yê derdikeve û dibêje ku ihtîmaleke zelal a lihevkirina li gel Trump tune ye û Îranê li hemberî vê yekê planeke duyem tune ye.
Rojnameya bi navê Cavan jî diyar kir ku ew kêfxweş in ku DYE’yê ji bilî mijara nukleerê daxwaza berfirehkirina mijaran nekiriye.
