Rayedara YE’yê Dubravka Suica diyar kir ku ew plan dikin alikariya darayî ya ji bo Filîstînê 1.6 milyar euroyan (1.8 milyar dolar) zêde bikin. Suica destnîşan kir ku divê Rêveberiya Filîstînê ku gelek caran ji ber gendelî û rêveberiya xirab tê rexnekirin, bi vê alikariya darayî berê xwe bide reforman.
DIVÊ RÊVEBERIYA FILÎSTÎNÊ REFORMAN BIKE
Suica got: ‘’Em dixwazin Rêveberiya Filîstînê reforman bike, ger reforman neke wê tu baweriya wê nemîne ku ev yek ji bo Îsraîlê jî derbasdar e.’’
Suica diyar kir ku wan ji Rêveberiya Filîstînê re ji bo alîkariya darayî û reforman 620 milyon euro, ji Şerîda Rojava û Xezeyê re ji bo ‘’biserxweveatinê’’ 576 milyon euro terxan kiriye.
Dubravka Suica piştre diyar kir ku YE’yê di 12 salên dawîn de nêzîkî 400 milyon euro alîkarî daye Rêveberiya Filîstînê û got: ‘’Êdî em bi awayekî ewle alîkariya Filîstînê dikin.’’
YE’ya ku gelekî alikarî daye Filîstînê, dibêje ku dema şerê di navbera Îsraîl û Hamasê de bi dawî bû wê Rêveberiya Fîlîstînê kontrola Xezeyê bi dest bixe.
Lê belê Serokwezîrê Îsraîlê Binyamin Netanyahu fikra kontrolkirina Xezeyê ya ji aliyê Rêveberiya Filîstînê ve red dike û pêşniyarên YE’yê yên têkildarî çareseriya aloziyên li herêmê jî paşguh dike.
