Li gorî rapora Tora Mafê Mirovan a Kurdistanê Dadgeha Şoreşê ya Îslamî ya li Urmiyeyê, li 5 girtiyên siyasî yên Kurd ên bi navê Elî Qasimî, Pijman Sultanî, Kawe Salihî, Rizgar Begzade Babekir, Tefur Selîmî Babamîrî ku bi hinceta beşdarî şoreşa ‘Jin, Jiyan, Azadî’ bûne, cezayê darvekirinê biriye.
Hat diyarkirin ku 8 Kurdên bi navê Siyamek Heyasî, Siware Ezîzade, Hêmin Kirmanc, Husên Husên Zade, Celîl Mewludî, Ehmed Mamezade, Ciwamêr Mam Xesrew, Salar Daxdar jî bi tawanbariya çalakiyên siyasî cezayê girtîgehê li wan hatiye birîn.
Li gorî heman raporê her 14 welatî jî xelkê Bokana Rojhilatê Kurdistanê ne û di Adara 2023’yan de ji ber ku tevlî şoreşa ‘Jin, Jiyan, Azadî’ bibûn ji aliyê hêzên îstîxbarata Îranê ve hatibûn binçavkirin û şandibûn girtîgeha Urmiyeyê.
Tê gotin ji wê demê ve her 14 girtî jî têne êşkencekirin û bi zorê neçarkirine ku tiştên lê tên ferzkirin, qebûl bikin. Ev welatî ji dema hatine binçavkirin ve, ji mafên xwe yên parêzer û hevdîtina malbatan bêpar hatine hiştin.
