Li gorî medya Îsraîlê, kabîneya siyasî-ewlekariyê wê roja Sêşemê li Qûdsê bicive û biryarê li ser du rêyên krîtîk bide: Ya wê bajarê Xezeyê bi rêbazên siyasî bê bidestxistin, an jî bi pêvajoyeke nû ya danûstandinê re wê nexşerêyeke dîplomatîk bê amadekirin ku dîlgirtî hemû bêne berdan û dawî li şer bê anîn.
CIHÊ DANÛSTANDINAN DIGUHERE
Vê carê li şûna Qatar û Misrê, tê plankirin ku danûstandinên nû li Ewropa yan jî welatekî Kendavê bêne kirin.
Li gorî nûçeya i24News, bi vê gavê tê xwestin ku ji pêvajoyên beriya niha qutbûn çêibbe û ‘rûpeleke nû ya dîplomatîk’ bê vekirin. Tê payin ku cihê hevdîtin lê bêne kirin di nava du-sê rojan de diyar bibe.
ARMANCA PEYMANEKE BERFIREH
Sernavê bingehîn ê ku alî li ser disekinin ew e ku ji planên pevguhertineke beşeke dîlgilrtiyan wêdetir be. Ev nêzîkatiya nû ya ku DYE jî piştgiriy wê dike, bi şertê bidawîkirina şer ji bo pêkanîna ‘peymaneke berfireh’ a berdana dîlgirtiyên Îsraîlî hemûyan e.
ZEXTÊN LI SER HAMASÊ ZÊDE DIBIN
Li gorî Îsraîlê, Hamasê hîn nîşaneyeke fermî nedaye ku peymaneke bi vî rengî qebûl bike yan na. Lê belê Îsraîl, DYE, Qatar û Misir di wê baweriyê de ne ku zexta li ser rêxistinê ji her demê bêhtir giran e.
Gefa operasyona bejahî ya artêşa Îsraîlê ya li ser bajarê Xezeyê, weke faktora herî xurt tê şîrovekirin ku Hamasê li dora maseya muzakereyê ya berfireh bide rûniştandin.
