Muyembe yê Kongoyî ji RTS ya Swîsreyê re axivî û got, “Me berê di tu şewbên Ebolayê de bertekeke kurewî ya bi vê mezinahiyê nedîtiye.” Muyembe anî ziman ku şewb cidî ye lê nêzîkatiya raya giştî ya navneteweyî gihîştiye asteke zêdegavî.
Rêxistina Tenduristiyê ya Cîhanê (RTC), ji ber bûyerên Ebolayê yên cureyê Bundibugyo ku li Komara Demokratîk a Kongoyê û Ugandayê hatine dîtin, rewşa awarte ya tenduristiya giştî ya navneteweyî ragihandibû. Li gorî daneyên RTC’yê, di şewbê de bi sedan bûyerên gumanbar hatine tespîtkirin û bi dehan kesan jiyana xwe ji dest dane.
Muyembe destnîşan kir ku bi taybetî atmosfera tirsê ya ku di medyaya civakî û medyaya navneteweyî de belav dibe bandoreke neyînî li ser gel dike û diyar kir ku di têkoşîna bi Ebolayê re divê ne panîk, lê xurtkirina binesaziya tenduristiyê bibe pêşengî.
Muyembe-Tamfum bal kişand ku tevî pirsgirêkên ewlehiyê jî di paşerojê de şewb hatine kontrolkirin û bi israr destnîşan kir ku “Ev, şewba Ebolayê ya 17’emîn e.”
Niha li dijî vîrusa Bundibugyo ku rêjeya mirinê ya wê digihîje %50, derzî an jî dermankirineke taybet tune ye. Jean-Jacques Muyembe-Tamfum bi bîr xist ku beriya derman û vaksînên ku di şewbên 2018 û 2020’an de hatibûn pêşxistin jî, şewbên Ebolayê yên berê dihatin kontrolkirin.
Muyembe-Tamfum diyar dike ku cureyê vîrusa heyî, wek mînak wekî vîrusa Ebolayê ya Zaire “kujer nîn e.”
