Çalakiya ku şêniyên taxa Arzoxlî ya navçeya Sûrê ya Amedê li dijî projeya ‘Santrala Enerjiyê Rojê ya Zenkar-2’ daye destpêkirin, di roja 12’emîn de didome.
Jin li qada nobetê ya li taxê kom bûn, nobed dewr girtin û ber bi cihê ku projeya tavê tê plankirin meşiyan.
Di meşê de dirûşmên weke ‘Em ê bi berxwedanê bi ser bikevin’, ‘Bijî berxwedana Arzoxlî’, ‘Bijî berxwedana dayikan’, ‘Mêrg yên me ne’, ‘Em panelan naxwazin’, ‘Na ji santrala rojê re’, ‘Ava me, axa me, hebûna me’ û ‘Maf, qanûn, edalet’ berz kirin.
Dema leşkeran rêya wan girtin, jin demekê sekinîn û piştre vegeriyan qada konê da ku nobeta xwe berdewam bikin.
