Li Kobanê ku ji aliyê çandiniyê ve yek ji qadên berhemdar ên Rojavayê Kurdistanê ye, genimê ku di mehên destpêkê yên zivistanê de hatin çandin, bi destpêkirina meha Hezîranê re hate çinînin. Niha jî genim li depoyan têne firotin.
Barana ku îsal bi têra xwe lê kir, çandiniya îsal jî jî zêde kir. Li Kobanê genimê baş ango yê hişk, çiwalekî xwe bi 46 hezar lîre, tonek xwe 460 hezar lîreyê nû ye. Ango bi 4 milyon û 600 lîreyê kevn ê Sûriyeyê ye. Yê bi rengê dogma jî bi 44 hezar Lîreyê Sûriyeyê yê Nû tê firotin.
Genimê nerm jî di çiwalên nû de bi 45 hezar lîreyî li serê tonekî tê firotin. Yê nerm jî di dogmayê jî bi 43 hezar lîreyî tê firotin.
Di dema wergirtina genim de serê her tonekê 900 hezar Lîreyê Sûriyeyê yê kevn, ango 9 hezar lîreyê nû weke diyarî ji cotkaran re tê dayin.
Karên qeydkirin û firotina genim îsal her wiha bi rêya sîstemên elektronîk jî tê kirin, ku karê cotkaran hêsan dike.
Ji Rêveberiya Yekîtiya Depoyên Genim a bajarê Kobanê Salih Silêman li ser wergirtina genim ji ANF’ê re axivî.
Salih Silêman anî ziman ku wan ji 4’ê Hezîranê ve dest bi wergirtina genim kirine got, beriya wergirtina genim ew depoyan çaksaz û paqij dikin, ku spî û kurm nekevin nava genim.
Salih Silêman li ser sîstema nû bi taybetî jî ya elektronîk got, “Divê her cotkarek xwedî e-mailekê be. Li ser e-mailê dora danîna genim tê eyarkirin. Carna ji ber ku di e-mailê de pirsgirêk derdikevin, cotkar gazinan dikin. Niha tişta hatiye diyarkirin ew e ku rojê tenê 500-600 ton genim bê danîn û wergirtin.”
Salih Silêman diyar kir ku li depoya genim a Rovî 12 hezar û 500 ton genim werdigire û got, “Îsal ê çiwal bi rengekî tê firotin, ê dogam jî bi rengekî din tê firotin.”
