Li gorî daneyên Ajansa Rêveberiya Afad û Şewatê, ji ber barîna berfê ya bênavber ya ji 20’ê Çileyê heya niha 46 welatiyan jiyana xwe ji dest dane û 558 kes jî birîndar bûne.
Bi taybetî jî li seranserê peravên Behra Japonê di hatûçûyê de astengiyên mezin rû dane û herêmên li bakurê welêt di bin berfê de mane. Li eyaleta Aomori ya li bakurê giravê 1,3 metreyan berf bariye.
Rayedaran dan zanîn ku piraniya windahiyan di encama ketina berfê ya ji ser bînayan ketiye xwarê û qezayên paqijkirina berfê de pêk hatine.
Di dawiya meha Çileyê de li Aomoriyê cenazeyê jineke 91 salî li pêşiya mala wê di bin sê metre berfê de hatibû dîtin. Li gorî polîsan jina berbehs ji ber berfa ji banê xaniyê wê hatiye xwarê, jiyana xwe ji dest daye.
Hikûmetê di destpêka meha Sibatê de leşker şandin Aomoriyê û piştevanî da xebatên lêgerîn-rizgarkirin û paqijkirinê. Hate ragihandin ku li hin herêmên îzole nêzîkî 4,5 metreyan berf bariye.
