Rêveberiya Xweser a Katona Cizîrê ya Bakur û Rojhilatê Sûriyeyê, Konferansa Komînên Kantona Cizîrê ya Yekemîn, bi dirûşma “Avakirina komînê bingeha civaka demokratîk û azad e” lidar xist. Konferans bi beşdariya 600 delegeyan, li hola Parka Azadî ya bajarê Qamişloyê hate lidarxistin.
Piştî xwendina perspektîfên Rêber Apo, cih û nirxandina komînê di Hevpeymana Civakî ya Bakur û Rojhilatê Sûriyeyê de, rewşa siyasî û rewşa komînên li kantona Cizîrê hate nirxandin.
Di nirxandinan de meclisên taxên bajarê Qamişloyê, bajarê Amûdê, Til Temir, Girgê Legê, Hesekê rewşa komînan nirxandin.
Kesên axivîn konferans li Rêber Apo pîroz kirin. Her wiha diyar kirin ku lidarxistina konferansê pir dereng ma, divê beriya niha hatiba lidarxistin.
Girîngî nedayîna komînê, aktîfnebûna meclisên komînan ên perwerdeyê, tevayî kar li ser milê hevserokên komînê hiştin, ji pergala karmenbûna dewletê xilas nebûn û karmendbûna hevserokên komînan, hatin rexnekirin.
Pêşniyar hatin kirin ku hejmara komînan di bajaran de bên kêmkirin, li şûna wê li ser asta taxê komînek tenê hebe û ew jî girêdayî meclisa bajar û bajarok be. Di aliyê aborî de jî projeyên pêşxistina aboriya civakê bên pêşxistin.
Piştî hinek nirxandinan, konferans ji ragihandinê re girtî didome. Dê piştî nirxandinan encamname bê ragihandin.
