Rêxistina Partiya Wekhevî û Demokrasiyê ya Gelan (DEM Partî) ya Stengolê bi dirûşmeya ‘Em ji bo aştiyê di zîncara mirovahiyê de tên gelhev’ li Kolana Demokrasiyê ya Sancaktepeyê çalakiya zîncîra mirovan li dar xist.
Di çalakiya ku gelek kes beşdarbûn de pankarta “Hêza aştiyê di destên me de ye, em ji bo aştî û civakeke demokratîk destên xwe didin hev” hate vekirin û timî dirûşmeyên “Hêza aştiyê di destên me de ye”, “Bi hêza aştiyê re ber bi civaka demokratîk ve” û “Li dijî şer ji bo aştiyê bibin zincîr” hatin berzkirin.
Hevseroka DEM Partiyê ya Stenbolê Arîfe Çinar di çalakiyê de axivî û got, “Em îro ji bo zincîra aştiyê li vir in, lê em dizanin ku ev têrê nake. Hêviyên me wê aştiyê bîne vî welatî. Em ê bi hev re bi we re aştiyê pêk bînin. Dema ku em îro lê dinêrin, em dibînin ku desthilatan her tim bi pêşxistina polîtîkayên şer hawîrdorek şer afirandine. Wan newekhevî û neheqî kûrtir kirine. Îro, qanûn pêk nayê. Mirov li ser gotina desthilatê têne darizandin. Banga Birêz Abdullah Ocalan bangek ji bo jiyanek wekhev û azad bê cudahî ye. Û em ji bo mezinkirina vê banga dîrokî em ê erka dikeve ser milê me pêk bînin. Divê hem hemû gel û hem jî dewlet banga Birêz Abdullah Ocalan esas bigirin. E ê li dijî zîhniyeta ku qeyûman tayîn dike bisekinin. Em ê bi zincîra aştiyê ya ku me îro ava kiriye siyaseta demokratîk berfireh bikin. Em ê bi Tirkiyeyek demokratîk a ku biryarên gel esas digire re rû bi rû ne.”
