Cenazayên Fatma Nûr Çelîk û zaroka wê Hîfa Îkra, duh li perava navçeya Zeytînburnu ya Stenbolê hat dîtin. Cenazeyên wan li Goristana İhlamurkuyê hatin definkirin. Gelek saziyên jinan beşdarî merasîma cenazeyê bûn.
Di merasîma cenazeyê de dowîzên wek “Di sala malbatê de 294 jin hatin kuştin! Mirina 279 jinan jî bi guman e” hat vekirin. Jinên ku beşdarî merasîmê bûn bertek nîşanî mêrên ku xwestin cenaze bigirin ser milê xwe û gotin: “Li vî welatî mêr jin û zarokan dikujin û piştre jî dixwazin darbestên wan hilgirin”. Jinan di merasîmê de dirûşma “Kujer Ayhan Şenguler” berz kirin.
Li ser goristanê Seroka Komeleya Pêşî Jin û Zarok Mujde Ozbey axivî û got: “Me wan bi tenê nehişt, di danişînan de em her bi wan re bûn. Fatma Nûr bi mehan di nav têkoşînê de bû. Fatma Nûr ji me bi hêztir bû. Weke parêzer em ê her şopdarên dozê bin û em natirsin.”
