Ji bo Gerîlayên Azadiya Kurdistanê yên di dem û cihên cuda de şehîd bûne, li navçeyên Bahçelîevler û Kuçukçekmece yên Stenbolê taziye û bîranîn dewam dikin.
BAHÇELÎEVLER
Li salona taziyeyê pankarta “şehîd namirin” hate vekirin û li ser maseyê wêneyên şehîdan û yên Rêber Apo hatin danîn, find hatin pêxistin. Piştî temaşekirina sînevîzyona derbarê şehîdan axaftin hatin kirin û piştre malbatan sersaxî qebûl kirin.
Parlamenterê Stenbolê yê DEM Partiyê Cengîz Çîçek di taziyeyê de axivî û got, “Em bi wan serbilind û bi rûmet in. Em ê heta nefesa xwe ya dawî jî şehîdan ji bîr nekin.”
KUÇUKÇEKMECE
Bi pêşengiya MEBYA-DER’ê li avahiya rêxistina DEM Partiyê ya li navçeya Kuçukçekmece ya Stenbolê ji bo şehîdan taziye hate danîn.
Li qada taziyeyê wêneyên şehîdan danîn ser maseyê. Li salonê pankartên “Şehîd namirin” û “Şehîdên me rûmeta me ne” hatin daliqandin.
Bê navber dirûşmeya “Şehîd namirin” hate berzkirin. Piştre sînevîzyon hate temaşekirin. Welatên beşdarî taziyeyê bûn, sersaxî ji malbatan re xwestin.
Aktîvîsta TJA’yê Sebahat Tuncel û Nevzat Ozturk ê ku piştî 32 salan hate berdan, ji malbatên şehîdan re sersaxî xwestin.
