Ev tehliyekirin, li pey hevdîtinên di navbera hikûmet û muxalefetê de hatin. Nûnerê muxalefetê di hevdîtinên roja berê de soza hêsankirina berdana girtiyên siyasî dabû.
Bernameya Aştî û Jiyana Hevpar a Demokratîk ku ji aliyê Serokdewleta Demkî Delcy Rodríguez ve hatibû avakirin, ragihand ku ji bo 131 kesî li cihê girtîgehê biryara pêkanîna rêbazên alternatîf hatiye girtin. Têkildarê ka gelo hemû kesên hatine berdan wek girtiyên siyasî tên pênasekirin an na, tu agahiyên berfireh nehatin dayîn.
DYE: GAVEKE KRÎTÎK E
Wezîrê Karûbarên Derve yê DYE’yê Marco Rubio, ev tehliyekirin ji bo pêşveçûna pêvajoya siyasî ya li Venezuelayê wek “gaveke krîtîk” bi nav kir.
Rubio, diyar kir ku ew hevdîtinên di navbera hikûmeta Venezuelayê û muxalefetê de ji nêz ve dişopînin û got ku berdana zêdetirî 130 girtiyên siyasî wê li welat bibe alîkarê “pêvajoya lihevkirina neteweyî”.
Ev tehliyekirin di demekê de ku ji bo çareserkirina krîza siyasî ya ku li Venezuelayê ji mêj ve berdewam dike, di navbera hikûmet û muxalefetê de pêvajoyeke nû ya diyalogê tê meşandin pêk hatin.
