Mehmet Zekî Esîn ê di sala 1993’yan de li Mêrsînê hat binçavkirin û ji aliyê Dadgeha Ewlehiya Dewletê (DGM) ve bi hinceta “yekitî û yekparebûna dewletê xera kiriye” cezayê muebetê lê hat birîn. Esîn piştî 32 salên girtîgehê duh ji Girtîgeha Tîpa F a Bolûyê hat berdan û hat Mêrsînê.
TUAY-DER, Dayikên Aştiyê, GOÇÎZDER û Rêxistina DEM Partî ya Mêrsînê serdana mala Esîn a li Taxa Çay ya Akdenîza Mêrsînê kirin. Esîn xêrhatina girseyê kir û got: “Tevî pêvajoya dirê ya girtîbûnê jî berxwedana li girtîgehê didome. 32-33 sal in li zindanan berxwedanê dikin. Li çiyayan jî berxwedan heye, gelê me jî di vê rêyê de berxwedan kir. Di her qadê de serê me bilind e. Peyama hevalên li girtîgehê ev e: ‘Bila nekevin xema, serê me bilind e û baweriya me bi vê pêvajoyê heye. Di demek nêz de em ê bi gelê xwe re vê pêvajoyê bigihînin armanca wê.
Hevseroka TUAY-DER’ê Adalet Kûran jî got, “Heval Zekî piştî 32 salan û vir de dîsan di nava me de ye. Em di şexsê hevalê Zekî de berxwedana hemû hevalên girtîgehê silav dikin. Çavê malbata me ronî be.”
Serdan bi dirûşmeyên “Bijî berxwedana zindanan” bi dawî bû.
