35’emîn Mîhrîcana Govendên Kurdistanê li bajarê Esslingen ê Elmanyayê bi meşa gerdîşî destpê kir. Komên beşdarvan danê sibehê li Bahnhof Platzê li hev kom bûn.
Lîstikvanên Koma Govenda Bêrîvanê ya Weselê ya Elmanyayê destpêkê hatin qadê. Piraniya koma ku ji 14 jinan pêk tê Êzidî ne û navê koma xwe ji Şehîd Binevş Agalê (Bêrîvan) standine.
Li qadê nêzîkî 400 lîstikvan, mamoste û Kurdistaniyan govendên ji herêmên cuda yên Kurdistanê gerandin. Cil û bergên Kurdî yên lîstikvan û mamosteyan bûn sedema derketina dîmenên gelekî xweşik.
Piştî gerandina govendê meşeke girseyî destpê kir. Welatiyên Elman ji bacên xaniyê xwe meşa girseyî temaşe kirin û eleqeyeke mezin nîşan dan.
Meş li qada li rex Pirtûkxaneya Esslîngenê bi dawî bû. Lîstikvanan li qada dîrokî nêzîkî nîv saetê govendên gelêrî gerand.
Mamoste û lîstikvan derbasî qada pêşbirkê bûn û komên govendê wê tevahiya rojê hunerên xwe pêşkêş bikin.
Xelatên mîhrîcanê ev in:
“Xelata Cil û Bergan
Xelata Lêkolînê
Xelata Dîlanan
Xelata Faîr Play.”
KOMÊN KU MAFÊ BEŞDARBÛNÊ BI DEST XISTINE EV IN:
“Govenda Berîvan a Weselê
Govenda Arya-Mara ya Kolnê
Govenda Baran a Kolnê
Govenda Baran 2 a Kolnê
Govenda Romanî ya Kolnê
Govenda Ar a Wuppertalê
Govenda Aşe Îve ya Leverkûsenê
Koma Azadî ya Dortmûndê
Koma Dilçem a Hagenê
Koma Kulîlkên Welat a Dûîsbûrgê
Koma Feraşîn a Berlinê
Koma Kaniya Spî ya Celleyê
Koma Şiyar Jin a Salzgîtterê
Koma Şiyar a Salzgîtterê
Govenda Şehîd Sîpan Amara ya Hambûrgê
Govenda Sîpan Amara ya Hambûrgê
Govenda Esteriya ya Lîmbûrgê
Govenda Mezopotamya ya Saarbrûckenê
Koma Hebûn a Verdenê
Koma Şehîd Zulkuf a Nûrnbergê
Koma Jiyan a Stûttgartê
Evîna Welat Bi Hevra ya Baselê
Govenda Gelawej a Baselê
Koma Agirê Welat a Solothûrnê
Koma Demhat a Zurîhê
Govenda Rojbîn a Parîsê
Govenda Nergizên Çiya ya Den Haagê.”
