Fermandarê Giştî yê Hêzên Sûriya Demokratîk (QSD) General Mazlûm Ebdî li Başûrê Kurdistanê bi gelek aliyan re civiya. Her wiha civînek sêalî di navbera Mazlûm Ebdî, Nêçîrvan Barzanî û Tom Barrack de jî hat lidarxistin.
Têkildarî mijarê, Serokê Herêma Kurdistanê Nêçîrvan Barzanî di postekê li ser hesabê xwe yê Xˊê de nivîsî ku: “Îro di civînek hevbeş de bi General Mazlûm Ebdî û Nûnerê Taybet ê Serokatiyê yê Amerîkayê Tom Barrack re civiyam.”
Barzanî got: “Me li ser pêşketinên dawî yên li Sûriye û herêmê nêrînên xwe parve kirin û tekezî li ser girîngiya diyalog, hevrêzî û hewldanên hevbeş ji bo parastina aramiyê, xurtkirina ewlehiyê û piştgiriya çareseriyên aştiyane kirin.”
