Nobeta li Wargeha Penaberan a Şehîd Rûstem Cûdî (Mexmûr) ku di 20’ê Tirmeha 2023’an de ji bo azadiya fîzîkî ya Rêber Apo hatiye destpêkirin di roja 964’an de bi biryardariyek xurt berdewam dike.
Çalakiya nobetê li Saziya Malbatên Şehîdan ya Mexmûrê, bi deqeyek rêzgirtinê ji bo hemû şehîdên azadiya Kurdistanê destpê kir û piştî rêzgirtinê li ser navê koma 186’an çalakvana bi navê Arjîn Demîr daxuyanî xwend.
Di daxuyaniyê de ev hate gotin: “Rêber Apo got ku ‘heta jin azad nebe civak azad nabe, jiyanek sosyalîst û bi rumet wê bi azadiya jin û parastina nirxên mirovahiyê bê avakirin.’ Di roja me ya îro de şerê cîhanê yê 3’emîn her ku diçe kûr û belav dibe. Êrişên herî dawî li ser Rojava bû. Rêber Apo ew êriş wekî berdewamiya komploya 15’ê Sibatê binav kir. Niha jî ew planên komplogeran di Rojhilata Navîn de berdewame.
Ji bo ku dawî li van kirîz û qeyranan were, divê demildest Rêber Apo bi fîzîkî azad be. Heta ku Rêbertiya me bi fîzîkî azad nebe emê têkoşîn û çalakiyên xwe berdewam bikin. Ji bo serxistina Civaka Aştî û Demokratîk emê xwe rêxistin bikin.”
Merasîma dewrgirtinê bi dirûşmeyên ‘Bijî Serok Apo’ û ‘Bê Serok Jiyan Nabe’ bi dawî bû.
