Meclîsa Malbatên Şehîdan a Wargeha Penaberan a Şehîd Rustem Cudî (Mexmûr) bi boneya 7’emîn salvegera şahadeta kadroyê pêşeng a PKK’ê Riza Altûn merasîmek lidar xist.
Di merasîmê de ku li Navenda Meclîsa Malbatên Şehîdan hate lidarxistin, endam û rêveberên sazî û dezgehên civakî, xwendekarên dibistanan û gelek kes tevlî bûn.
Piştî deqeyek rêzgirtin, Berdevkê Komîteya Malbatên Şehîdan Qedrî Şirîşî axivî.
Qedrî Şirîşî di destpêka axaftina xwe de da zanîn ku di têkoşîna azadiya Kurdistanê de wan gelek şoreşgerên pêşeng ji dest dane û destnîşan kir ku gelê wan şahidî ji vê yekê re kiriye.
Qedrî Şirîşî anî ziman ku bi Şehîd Riza Altûn re têkoşîn meşandiye û got: “Hevrê Riza Altûn him di warê qada civakî de, him jî di warê leşkerî de rola xwe ya pêşengiyê leyîst. Ev rastî ji aliyê gelê me ve baş tê zanîn û hemûyan jî şahidiya vê yekê kir. Şoreş tu sînoran nas nake. Di vê oxirê de çi şervan dibe, çi jî pêşengê tevgerê dibe, an go di hemû beşên civakê de me bi deh hezaran şehîd dan. Li ser vî esasî em mezin bûn û me weke gelê Kurd dikarî bû li ser dika dîrokê hebûna xwe îspat bikin.”
Di merasîmê de wêneyên Rêber Apo, Riza Altûn û Alî Haydar Kaytan hatibûn bilind kirin û dirûşmeyên “Bijî Serok Apo” û “Şehîd Namirin” hatin berz kirin.
