Li Meclisê danûstendinên derbarê amadekirina “pêşnûmeya çarçoveyê” bi lez bûn. Cîgirê Serokê AKP’ê Efkan Ala, Berdevkê partiyê Omer Çelîk û Serokê Komê Abdullah Guler serdana Serokê Meclisê Numan Kurtulmuş kirin.
Civîna ku ji çapemeniyê re girtî bû, nêzîkî saetek û nîvekê berdewam kir. Piştî civînê ji her du aliyan ve ti daxuyanî nehat dayîn.
Serokê Koma AKP’ê Abdullah Guler dema ku civîn berdewam dikir pirsên rojnamevanan bersivand û diyar kir ku xebata li ser pêşnûmeyê berdewam dike û civîn hîn jî berdewam dike.
Her wiha hat hînbûn ku di bin serokatiya Cîgirê Serokkomar Cevdet Yilmaz de bi beşdariya Serokê Rêxistina Îstîxbarata Neteweyî (MÎT) Îbrahîm Kalin, rayedarên AKP’ê û wezîrên pêwendîdar derbarê amadekirina qanûna çarçoveyî de civîn hat lidarxistin.
Tê payîn ku pêşnûmeqanûna amadekirî wê di Civîna Kabîneyê ya îro de pêşkêşî Serokkomar Recep Tayyîp Erdogan bê kirin.
