Dewleta Tirk a dagirker di şeva 19’ê Mijdara 2022ˊyan de stasyona 4ˊan a kehrebeyê li gundê Teqil Beqil bombebaran kir. Sivîlan bi bihîstina dengê teqînê re, ji bo birîndaran rakin, nêzî saet 1’ê şevê berê xwe dan cihê êrişê. Lê dema şênî kom bûbûn ku daxuyaniya şermezarkirina êrîşê bidin, balafirên dewleta Tirk a dagirker careke din êrîş kir, di encamê de gelek kes şehîd bûn ku di nava wan de jî nûçegihanê ANHA’yê Îsam Ebdullah jî hebû ku bûyer dişopand. Di wê şevê de 11 sivîl şehîd bûn û 6 kes jî birîndar bûn.
Navên şehîdan wiha ne; rojnamevan Îsam Ebdullah, Hisên Elî, Hîlal Qasim, Hediye Ebdullah, Ubeyd Xalid, Fayiz Ebdullah, Çîçek Haronî, Nûrî Çiftecî, Hisên Xilto, Mazin Osê û Mehmûd Elî.
Meclisa Malbatên Şehîdan di salvegera 3’yemîn de merasîma bîranînê li Pakrewnageha Şehîd Xebatê Dêrik li dar xist. Bi sedan şêniyên bajar û gundewarê Dêrikê, malbatên şehîdan û hevrêyên şehîd Îsam Ebdullah şehîd li ser gorên wan bi bîr anîn û gurêzên gulan danîn ser gorên wan.
Di merasîmê de axaftin hatin kirin. Di axaftinan de soza domandina rêya şehîdan ta avakirina jiyaneke bi rûmet hate dayîn. Her wiha hate gotin, dewleta Tirk a dagirker li pêşberî tevahiya cîhanê sûcên şer dike.
Merasîm bi berzkirina “Şehîd namirin” bi dawî bû.
