Civîn li hola Burc a bajarê Qamişloyê pêk hat. Şêwirmendê Rêveberiya Xweser Hesen Koçer û hevseroka TEV-DEM’ê Remziye Mihemed civîn birêve bibin. Bi sedan parêzerên li Rojava beşdarî civînê bûn.
Hesen Koçer peyman 29`ê Çileyê şîrove kir û got: “Em ê xebatên entegrasyonê bidomînin, lê divê em di aliyê parastinê de jî amede bin. Di vê qonaxê de mijara xweparastinê pir girîng e. Me bi saya berxwedana gel û şervanên xwe karî herêmên xwe biparêzin. Armanca me ya sereke ew e ku em di entegrasyonê de bigihin encamekê, lê ger şer li ser me bê ferzkirin, em ê xwe biparêzin.”
Hesen Koçer diyar kir ku ji bo rewşa parêzeran jî bi hikumeta demkî re nîqaş hatine kirin û wiha axivî: “Di hikumetê de sendîka hene, divê li Hesekê sendîkayek bê avakirin û li bajarên din jî şaxên wê hebin. Dê parêzer xwe di vê çarçoveyê de birêxistin bikin.”
Beşdaran derbarê entengrasyonê, rewşa perwerdeyê û hin mijarên din de pirs kirin û nîqaş li ser mijaran hat kirin.
