Wezareta Pêşmergeyan a Başûrê Kurdistanê ragihand ku îro di saetên êvarê de bi droneke bombebarkirî êrîşî Baregeha Firqeya 11’an ya Pêşmergeyan a li bajarokê Dêgele ya Hewlêrê hatiye kirin.
Wezaretê di daxuyaniya xwe de êrîşê wekî “çalakiyekî teroristane” bi nav kir û bang li Serokwezîrê Iraqê Mihemed Şiya Sûdanî kir ku berpirsyariyê bigre. Ji hikûmeta Bexdayê hate xwestin ku li hemberî êrîşên bi vî rengî bêhiqûq helwestekî zelal bigre û kiryar tavile werin darizandin.
Di daxuyaniyê de wiha hate gotin: “Bila gel û hêzên me bizanibin ku berdewambûna êrîşên terorîstî wê bê bersiv nemînin. Mafê me yê parastina rewa heye.”
